ರ್ಯಾಪರ್, ಇಂಜಿನಿಯರ್, ಮೇಯರ್… ಈಗ ಪ್ರಧಾನಿ ಅಭ್ಯರ್ಥಿ!
ನೇಪಾಳದ ರಾಜಕೀಯದಲ್ಲಿ ಭೂಕಂಪ ತಂದಿರುವ ಹೆಸರು — ಬಾಲೆಂದ್ರ ಶಾ.
ಬೆಂಗಳೂರು:ಯುವಜನರ ಆಕ್ರೋಶದ ಅಲೆ ನಡುವೆ ಪ್ರಧಾನಿ ಕೆ.ಪಿ. ಶರ್ಮಾ ಓಲಿ ರಾಜೀನಾಮೆ ಕೊಟ್ಟ ಬಳಿಕ, “ಬಾಲೆನ್ ಫಾರ್ ಪಿಎಂ” ಅಭಿಯಾನ ಜಾಲತಾಣದಲ್ಲಿ ಸಿಡಿಲಿನ ವೇಗದಲ್ಲಿ ಹರಡುತ್ತಿದೆ. ಕಠ್ಮಂಡುವಿನ ಬೀದಿಗಳಲ್ಲಿ ಪ್ರತಿಭಟನಾಕಾರರಿಗೆ ಬೆಂಬಲ ಸೂಚಿಸಿದ ಈ ಯುವ ಮೇಯರ್ ಈಗ ಲಕ್ಷಾಂತರ ಹೃದಯಗಳನ್ನು ಗೆದ್ದಿದ್ದಾರೆ.
ಆದರೆ ಕುತೂಹಲದ ವಿಷಯ ಏನೆಂದರೆ — ಈ ಭವಿಷ್ಯದ ನೇಪಾಳ ಪಿಎಂ ಅಭ್ಯರ್ಥಿ ಬೆಂಗಳೂರಿನ ಹಳೆ ವಿದ್ಯಾರ್ಥಿ!ಕಠ್ಮಂಡುವಿನಲ್ಲಿ ಹುಟ್ಟಿ ಬೆಳೆದ ಬಾಲೆನ್, ಬೆಳಗಾವಿಯ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದಲ್ಲಿ (ವಿಟಿಯು) ಸ್ಟ್ರಕ್ಚರಲ್ ಎಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿ ಪೂರೈಸಿದ್ದಾರೆ.
2022ರಲ್ಲಿ ಸ್ವತಂತ್ರ ಅಭ್ಯರ್ಥಿಯಾಗಿ ಕಠ್ಮಂಡು ಮೇಯರ್ ಆಗಿ ಭರ್ಜರಿ ಗೆಲುವು ಸಾಧಿಸಿದ ಅವರು, ರಾಜಕೀಯದ ಹಳೆಯ ಸಮೀಕರಣಗಳನ್ನು ಚೂರಾಗಿಸಿದ್ದಾರೆ. ಈಗ ನೇಪಾಳದ ಜನರು ಕೇಳುತ್ತಿರುವುದು ಒಂದೇ ಪ್ರಶ್ನೆ — “ನಮ್ಮ ಪ್ರಧಾನಿಯಾಗಬೇಕಾದ ನಾಯಕ ಬಾಲೆನ್ ಅಲ್ಲದೆ ಯಾರು?”
